大家有無發現，依期身邊好多人大感冒，年齡層大概係20-45，唔止睇一次醫生，食咗最少一個星期藥都未好，要再睇......
我想分享嘅係，以前我地食成藥，簡單啪兩次巳經好咗9成；依家係食晒兩packs成藥，加埋咳藥水都無好轉反應，藥越食越多，越食越重，其實係咪我地依代人，細細個就開似有咩事就啪兩粒panadol, 唔似得老一輩因爲生活環境唔許可買藥，有得個病自然好，所以抵抗力比我哋依班後生一輩仲強！？
還是好陰謀論咁諗，依家既感冒菌某程度係生化武器，專針對我哋依一個界別既年齡層；又或者感冒菌巳變種成超級感冒菌，再過多十年廿年，唔一定係Cancer，「普通」感冒巳死得人，依個問題真係好值得人類反思...
最後係，當日睇醫生，電話掛號後都要排多個半鐘先有得睇，門庭若市；有小朋友等到唔耐煩，不停大喊「快啲！快啲！快啲啦！到我未？」又有一班強國人，拖住喼（雖則我都係，因睇完醫生仲要做job) 嚟睇醫生。
當我入到去見醫生，佢竟然記到我上一次出沒過既工作地段，令我不得不佩服，今時今日做醫生，要記錄埋跟病人既對話，下次再見都可以好親切咁講番相對應既話題，連醫生都要做好CS依一部份，抵佢咁多客仔，咁當然佢開既藥相對比其他醫生都靚，所以幾遠我都會番去睇佢！
由於醫生同我講啲藥好重，會有睡意，我拎到解藥之後都唔敢食，因為我仲要化妝整頭；唯有全程帶住遮咗半塊面既mask, 流住兩項鼻水，敝住氣咁化，過程中不斷用酒精消毒液清潔抺過鼻涕既手，忽然間，我真係覺得自己可以同人講我幾咁 #PROFESSIONAL , 幾咁敬業樂業......幾L咁勤力.....哈哈哈....我應該病到有啲忽忽地了。
#是旦嗡 #超級感冒菌 #有感而發
#敬業樂業 #痴塵 #Pakning #大家都好好保重身體 @ Hong Kong
Search